Астана қаласында «Үздік педагог – 2025» республикалық байқауының жеңімпаздарын марапаттау рәсімі өтті. Байқауда Батыс Қазақстан облысынан қатысқан 8 ұстаздың ішінен 5 педагог үздік деп танылды.
Жеңімпаздар тізімі:
- Ажкеева Гаухар Алтынбековна – қазақ тілі мен әдебиеті пәні мұғалімі, Абай атындағы дарынды балаларға арналған облыстық мектеп-гимназия-интернаты
- Әлмұқан Асқар Сатыбайұлы – Қазақстан тарихы пәні мұғалімі, №11 С.Сейфуллин атындағы дарынды балаларға арналған мектеп-гимназия-интернаты, Орал қаласы
- Имашева Динара Иманбайқызы – қазақ тілі мен әдебиеті пәні мұғалімі, №11 С.Сейфуллин атындағы дарынды балаларға арналған мектеп-гимназия-интернаты, Орал қаласы
- Қырықбаев Нұрбол Мұсаұлы – қосымша білім беру педагогі, Оқушылар сарайы, Орал қаласы
- Сапашева Эльмира Ибрагимовна – тарих пәні мұғалімі, Л.Қылышев атындағы жалпы орта білім беретін мектебі, Шыңғырлау ауданы
Салтанатты жиында Оқу-ағарту министрі Жұлдыз Сүлейменова ұстаздарды құттықтап, оларға шығармашылық табыс пен кәсіби жетістік тіледі.
Жеңімпаздарға «Үздік педагог» куәлігі мен төсбелгісі, сондай-ақ 1000 АЕК көлемінде ақшалай сыйақы табысталды.
2012 жылдан бері дәстүрлі түрде өткізіліп келе жатқан бұл байқау – педагог мәртебесін көтеріп, ұстаздардың кәсіби дамуына серпін беретін маңызды жоба.
БҚО білім басқармасының баспасөз қызметі
