Батыс Қазақстан облысының әкімі Нариман Төреғалиев Құрылысшылар күніне орай Мемлекет басшысының Жарлығына сәйкес мемлекеттік наградаға ие болғандарды құттықтады. Бұл туралы облыс әкімдігінің баспасөз қызметі хабарлады.
Суреттер: БҚО әкімдігі
– Құрылыс индустриясы — экономиканың негiзгi iргетасы. Экономиканың жаңа серпін алып отырған маңызды саласының өкілі – құрылысшылардың ерен еңбегінің арқасында ірі инвестициялық жобалар жүзеге асырылып, небір ғимараттар мен тұрғын үйлер бой көтеруде. Елімізде салынған әрбір ғимаратта сіздердің алақандарыңыздың ізі, айрықша қолтаңбаларыңыз бар, - деді өңір басшысы.
Облыс әкімі су тасқынынан зардап шеккен тұрғындарды қолдау және тұрғын үйді қалпына келтіруде құрылысшылардың еңбегі зор екенін ерекше атап өтті.
Өңір басшысы Қазақстан Республикасы Президентінің Жарлығына сәйкес Анатолий Барсюк, Бижан Испандияров және Жаслан Шохаевқа ІІІ дәрежелі «Еңбек Даңқы» орденін, ал Дауынбай Жұматов, Сапарбек Сердалин және Махамбет Шауеновке «Ерен еңбегі үшін» медальдарын табыс етті.
zhaikpress.kz
