ҚР Оқу-ағарту министрлігінің Мектепке дейінгі білім беру департаментінің директоры Манар Адамова атап өткендей, ерте жастағы балаларды күту және дамыту кезеңдеріне қатысты хабардарлығын арттыру және практикалық білімдерін арттыру бойынша «Беске дейін үлгер» мобильдік қосымшасымен ата-аналардың 300 мыңнан астам ата-ананы қамту жоспарлануда.
Сурет: ОКҚ
«Беске дейін үлгер» мобильді қосымшасы толығымен тегін және мессенджерлер, ата-аналарға арналған кеңес беру пункттері, сондай-ақ басқа да қолжетімді тәсілдер арқылы таратылады. Нәтижесінде ата-аналарға мектеп жасына дейінгі балаларды тәрбиелеу, дамыту және олармен өзара іс-қимыл жасау мәселелері бойынша әдістемелік және психологиялық сүйемелдеу көрсетіледі», - деді спикер ОКҚ алаңында өткен баспасөз конференциясында.
Сонымен қатар, биыл жазғы кезеңде мектепке дейінгі жастағы 115 мың бала 5 мыңнан астам педагогтің қатысуымен 2900 мектеп базасында «Балақайлар мектебі» қысқа мерзімді курстарымен қамтылды.
«Синхрондау және сабақтастықты қамтамасыз ету шеңберінде мектепке дейінгі ұйымдар мен мектеп арасында баланың жеке даму картасы цифрландырылды, ол ақпараттық жүйелерде 1-сынып мұғалімдеріне қол жетімді. Бұл біздің мұғалімдерге әр баланың дамуының одан әрі жеке траекториясын дұрыс құруға көмектеседі», - деді Манар Адамова.
