Оралда «Білімділер додасы» зияткерлік ойынының екінші кезеңі өтуде. Бұл туралы БҚАТУ медиа орталығы хабарлайды.
Жәңгір хан атындағы БҚАТУ-да өтіп жатқан іс-шарада әр салада белсенді қызмет атқарып жүрген үздік жастар бас қосты. Командалардың білімдері мен біліктіліктері, тапқырлықтары мен ой ұшқырлықтары сынға түскен жоба қызықты өтуде. Доданың бұл кезеңіне облыстық «AQJAIYQ» телеарнасы түсірілім жасауда. Көрермендер ойынның телевизиялық нұсқасын жақын уақытта жергілікті телеарна арқылы көгілдір экраннан тамашалай алады.
Еске сала кетсек,«Білімділер додасы» зияткерлік ойынын БҚО қоғамдық даму басқармасының қолдауымен «Ғасыр» жастар қоғамдық бірлестігі ұйымдастыруда.
zhaikpress.kz
