Психологиялық қолдау орталықтары биылғы жылы 40 000-ға жуық оқушы мен олардың отбасыларына көмек көрсетті. Олардың 20 414-і – кәмелетке толмағандар, ал 19 467-сі – ата-аналар. Бұл туралы Оқу-ағарту министрлігінің баспасөз қызметі хабарлады.
Сурет: istockphoto.com
Айта кетейік, орталықтар Мемлекет басшысының тапсырмасы бойынша еліміздің 20 өңірінде ашылған болатын.
Олар балалар мен олардың отбасыларының әл-ауқатын нығайтуға бағытталған психологиялық, медициналық, құқықтық және әлеуметтік көмек көрсетеді.
