Сабаз Арыстанов 1911 жылы облысымыздың бұрынғы Ақжайық ауданына қарасты Аңқаты маңындағы Ақмешіт ауылында өмірге келген. Ел басына ауыр күн туған шақта Отан қорғауға аттанып, 1942-1943 жылдары Смоленск түбіндегі шайқастарға қатысқан. Осы жерде ес-түсінен айырылып, өлдіге саналғандар қатарында майдан даласында қала барған. Бірақ көрер жарығы таусылмаған әкеміз алты айдай орман арасында жан сауғалап, қайтадан тірілер сапына қосылыпты. Батыс Қазақстан облысының «Боздақтар» кітабына: «Сабаз Арыстанов (1911 ж.т. 04.08.1943 ж.) Смоленск обл. Отря деревнясында қаза тапты» деп жазылып кетуі осы кезде жанұясына келген «қара қағазға» байланысты болса керек.
Толығырақ облыстық «Орал өңірі» газетінің 2021 жылғы 9 шілдедегі №55 санындағы аталары туралы ой тербеген ұрпақтарының «Біз – Арыстановтың ұрпақтарымыз» атты мақалаға назар аударыңыз!
zhaikpress.kz
