Бүгін Жәңгір хан атындағы Батыс Қазақстан аграрлық-техникалық университетінің профессор-оқытушылар құрамы мен әскери кафедра ұжымы мерейлі жасқа толған әріптестерін құттықтады.
Бүгін Политехниалық институттың ардагер-ұстазы Александра Вичкуткинаны әріптестері 75 жасқа толған мерейтойымен құттықтап құрмет көрсетті. Жарты ғасырдан астам саналы ғұмырын осы оқу ордасына арнаған Александра Павловна осы жылдар ішінде ассистент, аға оқытушы, кафедра меңгерушісі қызметтерін абыроймен атқарған. Әріптестері мен шәкірттерінің құрметіне бөленген ардагерді замандас әріптестері, оқытушылар, институттар мен жоғары мектептердің басшылық өкілдері, шәкірттері құттықтап, ізгі тілектерін арнады.
Ал Жәңгір хан университетінің әскери кафедра ұжымы кафедра бастығының орынбасары, запастағы подполковник Мұратбек Сәрсенғалиевті ердің жасы 50-ге, цикл басшысы, запастағы полковник Рауф Насыровты асқаралы 60 жасқа толуларымен құттықтады. Жас ұрпақты патриоттық рухта тәрбиелеуге үлкен үлес қосып жүрген кафедра қызметкерлері Қазақстанның Қарулы күштері қатарында 30 жылдан астам уақыт қызмет еткен. Ал соңғы үш жылда Жәңгір хан университетіндегі әскери кафедрада басшылық қызметтер атқарып келеді.
Мерейтой иелерін құттықтаған университеттің тәрбие және әлеуметтік жұмыстар жөніндегі проректоры Ақылбек Сұлтанов оларға БҚАТУ-дың басқарма төрағасы-ректор Асқар Наметовтың құттықтау хаты мен сый-сияпатын табыстады.
Университеттің медиа-орталығы
