Бүгін Батыс Қазақстан облысының әкімі Ғали Есқалиев актив отырысында өзінің жаңа орынбасарын таныстырды, деп хабарлайды БҚО әкімінің баспасөзбен байланыс жөніндегі қызметі.
«100 нақты қадам» – Ұлт жоспарында көрсетілген меритократия қағидасына сәйкес ҚР Президенті Әкімшілігі келісімімен және әкімнің өкімімен Батыс Қазақстан облысы әкімінің орынбасары болып Серік Рахметоллаұлы Егізбаев тағайындалды.
Серік Рахметоллаұлы Егізбаев – 1963 жылы туған. Білімі жоғары, Батыс Қазақстан ауыл шаруашылық институтын «агроном», Қазақ мемлекеттік заң академиясын «заңгер» мамандықтары және ҚР Президентінің жанындағы Мемлекеттік қызмет академиясын бітірген. Экономика ғылымдарының кандидаты.
Әр жылдары:
- БҚО әкімі аппараты бөлімінің бас инспекторы, бөлім меңгерушісінің орынбасары.
- ҚР Қаржы министрлігі департамент бөлімінің бастығы.
-ҚР Премьер-Министрінің кеңсесі әлеуметтік-мәдени даму бөлімінің бас инспекторы, ұйымдастыру-инспекторлық және аумақтық даму бөлімінің бас инспекторы,.
-ҚР Президенті Әкімшілігінің Мемлекеттік бақылау және аумақтық-ұйымдастыру жұмысы бөлімінің мемлекеттік инспекторы, бөлім меңгерушісінің орынбасары.
-ҚР ауыл шаруашылығының вице-министрі.
Күні бүгінге дейін «Qazaqstan» РТРК» АҚ басқарма төрағасының орынбасары қызметін атқарды.
Ол ішкі саясат, білім, жастар саясаты, мәдениет, дін істері, тілдерді дамыту салаларына жетекшілік етпек.
