Кеше 101 пультіне түнгі 1:52-де Құрманғазы және Сарайшық көшелерінің қиылысында жол-көлік оқиғасы болғандығы жөнінде хабарлама түскен.
БҚО төтенше жағдайлар депаратментінің хабарлауынша, оқиға орнына жеткен құтқарушылар аталған мекенжайда Nissan және Skoda автокөліктерінің арасында қақтығыс болғанын анықтаған.
Жол-көлік оқиғасы кезінде автокөліктерде екі жүргізуші және бір жолаушы болған.
Құтқарушылар жол-көлік оқиғасы салдарынан автокөліктердің бірінде қысылып қалған 1995 жылғы туған жолаушыны гидравликалық құралдардың көмегімен құтқарып, әр түрлі дене жарақатымен жедел-жәрдем қызметкерлеріне тапсырды.
Оқиға орнына БҚО ТЖД жедел-құтқару жасағының бір техникасы мен бес құтқарушы жұмыс істеді.
zhaikpress.kz
