Жаңа Конституция жобасына қатысты өтіп жатқан референдумда Батыс Қазақстан облысы тұрғындарының белсенділігі ерекше байқалуда. Дауыс беру күні сайлаушылар өз құқықтарын пайдаланып, ел болашағы үшін маңызды шешім қабылдауда.
Тұрғындардың дауыс беруі – демократиялық процестің негізгі көрінісі. Биылғы саяси науқан қарсаңында облыста қоғамдық талқылаулар, ақпараттық кездесулер мен түсіндіру жұмыстары кеңінен жүргізілді. Соның нәтижесінде әрбір азамат өз дауысының маңызын түсініп, референдумға белсенді қатысуға ниет танытуда.
Орал қаласындағы №486 сайлау учаскесінде де халық қарасы көп. Учаске ішіне де, сыртында да дауыс беруге келген тұрғындардың легі үзілмейді. Әрқайсысы өз таңдауын жасап, азаматтық позициясын білдіруге асық.
Сарапшылардың пікірінше, тұрғындардың басқару процестеріне белсенді қатысуы – қоғамның тұрақты дамуының маңызды негізі. Сайлаушылардың жоғары белсенділігі мен ашық пікір білдіруі елдегі демократиялық құндылықтардың нығая түскенін көрсетеді.
zhaikpress.kz
