Алдағы референдум қарсаңында Батыс Қазақстан облысы Кәсіпкерлер палатасының Өңірлік кеңесінің мүшелері халыққа Конституциялық реформалардың маңыздылығын, Мемлекет басшысы Қасым-Жомарт Тоқаевтың саяси жүйені қайта құру жөніндегі бастамаларының мазмұнын түсіндіру жөніндегі үгіт-ақпараттық қызметке белсене кірісті.
БҚО КП аймақтық кеңесі 30 кәсіпкерден құралған, оның 12-сі бизнесті депутаттық өкілеттігін жүзеге асырумен сәтті ұштастыруда. Өңірлік кеңестің 9 мүшесі облыстық мәслихаттың, 1 – қалалық, 2 – аудандық деңгейдегі депутаттар болып табылады.
Халық қалаулылары ретінде олар еңбек ұжымдарымен, студенттік ұжымдармен, аға буын өкілдерімен кездеседі. Мысалы, осы аптада ӨКП Өңірлік кеңесінің мүшесі Фарид Бахтиозин "Нафта "сауда үйі" ЖШС, "Конденсат" АҚ және "Конденсат-ЖҚС" ЖШС болды.
Фарид Бахтиозин ел өміріндегі алдағы өзгерістер туралы айта отырып, қазақстандықтардың өз елін басқарудағы мүмкіндіктерін кеңейту перспективасына назар аударды. "Атамекен" ҰКП өкілі күтілетін жаңа енгізілімдерді түсіндірген кезде осы кәсіпорындардың қызметкерлері конституциялық реформаның бағыттары туралы хабардар екендіктерін көрсетті, ҚР Президентінің бастамаларын іске асыру тиімділігін арттыру бойынша өз пікірлерімен бөлісті.
— "Үш кәсіпорынның жұмысшыларымен кездесу аясында түсіндіру жұмыстарымен бірнеше ондаған адам қамтылды,олар әр түрлі жастағы адамдар. Еңбекшілер Мемлекет басшысының азаматтарды қорғау тетіктерін күшейтуге, бірқатар билік өкілеттіктерін қайта бөлуге бағытталғанына қуанышты. Олардың барлығы шетте қалмай, бүкілхалықтық референдумға барып, Қасым-Жомарт Тоқаевқа қолдау көрсету қажет", — деп атап өтті Фарид Бахтиозин.
Өңірлік кеңестің тағы бір мүшесі Аркадий Рубцов, "Стекло Сервис" ЖШС директоры, басшылық ететін ұжымда үгіт-насихат жұмыстарын бастады. Еліміздің саяси өміріндегі алдағы өзгерістер туралы айта отырып, ол қазақстандықтардың азаматтық құқықтарын жүзеге асыруда Конституцияға (кейіннен ҚР заңдарына) түзетулер енгізу мүмкіндіктері туралы тыңдаушыларға жеткізуге тырысты.
"Стекло Сервис" ЖШС қызметкерлері Аркадий Рубцовқа конституциялық реформаның маңыздылығы мен уақтылығын атап өтіп, күтілетін жаңалықтар бойынша белсенді сұрақтар қойды.
- "Біздің кәсіпорынның ұжымы Мемлекет басшысының саясатымен және "Жаңа Қазақстан" тұжырымдамасын табысты іске асыра отырып, Қазақстан қоғамындағы демократияның базалық құндылықтары нығая түсетініне, ал бұл, әрине, халықтың әл-ауқаты мен республикамыздың өркендеуіне оң әсер ететініне сенім білдірді", - деп есептейді БҚО Кәсіпкерлер палатасы Өңірлік кеңесінің мүшесі, "Стекло Сервис" ЖШС директоры Аркадий Рубцов.
БҚО Кәсіпкерлік палатасының баспасөз қызметі
zhaikpress.kz
