Бүгін түстен кейін Дәулеткерей атындағы қазақ халық аспаптары оркестрі Бөкейорда ауданының орталығы Сайхын ауылына аялдады.
Оркестр ұжымын жарқыраған мәдениет үйінің алдынан аудан әкімі Нұрлыбек Даумов, орынбасары Кенесары Нұршинов, ардагерлер кеңесінің төрағасы Тілеген Арыстанбеков және өзге де сала басшылары ақ дәммен күтіп алды.
Одан бөлек, концерт басталмай тұрып аудан әкімі Нұрлыбек Жасқайратұлы елдің атынан Батыс Қазақстан облысы бойынша Күйшілер одағы филиалының төрағасы, Дәулеткерей атындағы қазақ халық аспаптары оркестрінің дирижері, ҚР Мәдениет саласының үздігі, бөкейордалық Асылхан Қазиевке ат мінгізіп, құрмет көрсетті.
Айжан Амангельдина,
ҚР Журналистер одағының мүшесі
