Елде орын алған ахуалға байланысты барлық санитарлық талаптар ескеріліп, оқушылардың арақашықтығы сақталды.
Түлектер алдымен дезинфекциялық тоннельден өтіп, дене қызуын өлшетіп, медициналық маска және қолғаппен қамтамасыз етілді.
Бүгін облыс бойынша ҰБТ 7 тестілеу пунктінде (Жаңақала, Жәнібек, Ақжайық, Бөрлі, Сырым, Казталовка және Жәңгірхан атындағы БҚАТУ) өтті.
Екінші лекке қатысуға тиіс 794 талапкердің 9-ы өз еріктерімен тест тапсыруға келмеді. Тыйым салынған заттарды алып өтуге тырысқаны үшін 6 талапкер тест тапсыруға жіберілмеді.
Тестілеу кезінде ережелерді бұзып, ұялы телефон пайдаланғаны үшін Орал қаласы, Сырым, Бөрлі, Жәнібек, Казталов аудандарынан 9 талапкер аудиториядан шығарылып, ҰБТ тапсыру мүмкіндігінен айырылды. Тәртіп бұзғандардан бөлек, 1 талапкер денсаулық жағдайына байланысты ҰБТ-ны басқа күні сауыққан соң тапсырады.
Тестілеудің екінші күні – 769 талапкер тест тапсырды.
БҚО білім басқармасы баспасөз қызметі
