АҚШ дәрігері Патрик Флинн әйелдерге ерлерге қарағанда көбірек ұйқы қажет екенін айтты. Дәрігер әлеуметтік желідегі жазбасында ұзақ ұйықтаудың ағзаға қажеттілігін түсіндірді, - деп хабарлайды Massaget.kz тілшісі.
Фото: istockphoto.com
Флинн гормональды айырмашылықтар мен белгілі бір гормондарды шығаратын бүйрек үсті бездерінің жұмысындағы айырмашылықтарға байланысты әйелдерге көбірек ұйқы қажет екенін түсіндірді. Оның айтуынша, ер адамдарға жеті-сегіз сағат ұйықтаса жеткілікті, алайда әйелдерге сегіз-он сағат үзіліссіз ұйқы қажет.
"Бұл гормональды қорлар мәселесіне байланысты туындайды. Еркектерде бүйрек үсті бездері гормондардың шамамен 2-3 пайызын өндіре алады, ал қалған бөлігі аталық бездерден келеді. Олар сіздің ұйықтап жатқаныңызға қарамастан жұмыс істейді", - деді дәрігер.
Ал дәрігер әйелдерде бұл гормондарды тек бүйрек үсті бездері шығаратынын және олардың жұмысы ұйқыны көбірек қажет ететінін, сол себепті де әйелдер көп ұйықтауы керегін түсіндірді.
Патрик Флинн - атақты хиропрактор, халықаралық бестселлер авторы және денсаулықты қалпына келтіруге және баламалы тәсілді қолданып, созылмалы ауруларды емдеуге маманданған The Wellness Way клиникалар желісінің негізін қалаушы.
