Депутат Нартай Аралбайұлы Мәжілісте Батыс Қазақстан облысының шалғай ауылдарындағы жол мәселесін көтерді, - деп хабарлайды Massaget.kz тілшісі.
Фото: Мәжіліс отырысынан. massaget.kz
"Бұл депутаттық сауалымның артында мыңдаған адамның таусылған төзімі, үзілуге аз қалған үміті жатыр. Олар Батыс Қазақстан облысының ең шалғай ауылдарында тұрады. Бөкей Орда ауданы мен Жәнібек ауданындағы жұрт көз ашқалы түзу трасса, жөнделген жол көрген жоқ. Қазір де жұрт облыс орталығы Оралға дейін көлікпен 7-8 сағат жүруге мәжбүр, жаңбыр жауса батпаққа батқан бұқара 14-15 сағат жол жүреді, көбісі күрежолдың бойында қонып қалады", - дейді Нартай Аралбайұлы.
