"Қазақстандық Дмитрий Попко АҚШ-тағы Пенсакола ITF M25 турнирінің жеңімпазы атанды", - деп хабарлайды Қазақстан теннис федерациясы.
Әлемнің 419-ракеткасы Попко жарыс барысында бес кездесуін де сәтті өткізді.
Доданың төртінші ракеткасы болып тіркелген қазақстандық теннисші финалда дүниежүзілік рейтингте 923-орында тұрған америкалық Эйден Киммен кездесті. Дмитрий Попко 6:1, 6:4 есебімен айқын басымдықпен жеңіске жетті.
