Еуразиялық үкіметаралық кеңесінің кезекті отырысын 24-25 ақпан күндері Қазақстан астанасында өткізу жоспарланып отыр. Бұл туралы бүгін өткен брифинг барысында Еуразиялық экономикалық комиссияның ресми өкілі Ия Малкина мәлім етті, деп хабарлайды ҚазАқпарат.
«Еуразиялық үкіметаралық кеңесінің кезекті отырысын 24-25 ақпан күндері Қазақстан астанасында өткізу жоспарланып отыр. Қазіргі кезде оның күн тәртібі дайындалуда», - деп хабарлады И.Малкина.
Ресми өкіл сондай-ақ Комиссияның 2022 жылы жүргізетін жұмыс жоспары туралы баяндап берді. Жұмыс жоспары қазіргі кезде ЕЭК ресми өкілі Комиссияның Қырғызстанның ЕАЭО органдарындағы төрағалығының 1 қаңтардан басталған басымдықтары негізінде қазір қалыптасып жатқан 2022 жылға арналған жұмыс жоспарлары туралы айтты.
Ол сондай-ақ 21 қаңтарда ЕЭК Кеңесінің биылғы жылғы алғашқы отырысы өтетінін жеткізді. ЕАЭО кедендік аумағына жеткізілетін тауарларды қадағалау механизмін енгізу бойынша пилоттық жобаны іске қосу мәселесі қаралатын болады.
Кеңес мүшелері ілкі жобаны іске асыру мерзімдері мен шарттарын айқындайды, сондай-ақ қадағалануға жататын тауарлар тізбесін бекітеді деп болжанып отыр.
Сондай-ақ Комиссия Кеңесінің жұмысын бақылаушы мемлекеттер санын арттыру мәселесі қарастырылады.
