Азық-түлік келісімшарт корпорациясы 2024 жылдың қыркүйегінде фермерлерді қолдау үшін «Экспорттық партияларды шоғырландыру» бағдарламасын іске қосты. Бұл туралы АШМ жазды.
Сурет: pixabay.com
Бағдарламаның негізгі мақсаты – элеваторларды босату және шағын және орта Ауыл шаруашылығы өндірушілерінің астықты экспортқа шығаруын ынталандыру.
Бағдарламаның шарттары бойынша Азық-түлік келісімшарт корпорациясы фермердің астығын сатып алмай, фермерлердің тауар партияларын шоғырландырады және тасымалдауды толық сүйемелдеуді қамтамасыз ете отырып, оны өтеусіз негізде экспортқа шығаруды ұйымдастырады. Валюталық кіріс фермерге тікелей түседі.
Бүгінгі таңда Азық-түлік келісімшарт корпорациясы қатысуымен қазақстандық фермерлерден 14,5 млн АҚШ доллары сомасына ауылшаруашылығы өнімін жеткізуге импорттаушылармен 4 экспорттық келісімшарт жасалды. Пилоттық келісімшарт жасасудың оң тәжірибесі масштабталады.
Сондай-ақ Қырғызстан, Қытай, Иран және Түркиядан келген импорттаушылар тарапынан 2-сыныпты бидай, зығыр, күнбағыс және арпа сатып алу бойынша коммерциялық ұсыныстар келіп түсті.
