Бұл туралы 17 шілдеде Арман Шаққалиевтің төрағалығымен өткен Сауда және интеграция министрлігінің бірінші жартыжылдық жұмысының қорытындысы бойынша өткен алқа отырысында белгілі болды.
СИМ басшысы Қазақстанда 2016 жылдан бері алғаш рет әлеуметтік маңызды азық-түлік тауарлары (ӘМАТ) бағалары индексінің төмендеуі байқалғанын хабарлады. Бұл жөнінде Сауда және интеграция министрлігінің баспасөз қызметі мәлімдеді.
Мұндай нәтижелер СИМ, АШМ және әкімдіктермен бірлесіп қабылданған тиімді шаралардың арқасында мүмкін болды. Орташа дефляция индексі 99,8%-ды құрады. Маусым айында орташа баға индексі 0,3%-ға, ал жыл басынан бері 0,2%-ға төмендеді.
Алқада сондай-ақ шикізаттық емес экспортты ілгерілету мәселелері талқыланды. Вице-министр Қайрат Төребаевтың айтуынша, 2024 жылдың алғашқы бес айында шикізаттық емес тауарлар экспорты 10,5 млрд долларға жетіп, түсті металдар мен күнбағыс майына жоғары сұраныстың арқасында өсті.
Соңғы жылдары қазақстандық қызметтер экспорты айтарлықтай өсті: 2023 жылы 29,1%-ға, ал 2024 жылдың бірінші тоқсанында 16,8%-ға өсті.
Қайрат Төребаев экспортты ынталандырудың маңызды аспектілерін атап өтті, ол: өндіріс, логистика, бәсекелестік және нарықтарға қолжетімділік. Осы мәселелерді тиімді шешу үшін Экспорттық штаб құрылды, ол белсенді түрде барлық іс-қимылды үйлестіріп, экспорттық процестерді жеңілдетеді. Осы бастама аясында жаңа сауда өкілдіктері мен экспорттаушыларды қолдау инфрақұрылымы да белсенді дамып келеді.
Техникалық реттеу және метрология комитетінің төрайымы Жанна Есенбекова бақылаушы органдар мен салалық қауымдастықтардың қатысуымен өткен бірінші жартыжылдықта 10 рет отырыс өткізген Ситуациялық штаб жұмысының нәтижелерімен бөлісті. Тексерілген 945 көлік құралдарының ішінен 157 сүт және сүт өнімдерінің үлгілері алынып, оның 40-ында сәйкессіздіктер анықталды, оның басым бөлігі таңбалауға қатысты. 723 сертификат пен сәйкестік декларациялары, оның ішінде 144 азық-түлік өнімдеріне арналған декларациялар күшін жойды. Қазіргі уақытта көрші елдерден келген 10 сүт өнімдерін өндірушілерге шекарадағы бақылау күшейтілген», - деп хабарлады Жанна Есенбекова.
Алқа барысында бірінші вице-министр Айжан Бижанова сауда орындарын жаңарту және отандық тауар өндірушілерді қолдау қажеттігін атап өтті. 2026 жылдың 1 қаңтарына дейін барлық сауда орындары жаңғыртылып, қала құрылысы, санитарлық және өрт нормаларының стандарттарына сай болуы тиіс. Отандық өндірушілерді қолдау үшін азық-түлік тауарлары үшін сөре кеңістігін 50%-ға дейін және азық-түлік емес тауарлар үшін 20%-ға дейін ұлғайту қарастырылған. Сондай-ақ жәрмеңкелер, көше саудасы және сыртқы сауданың қызметін стандарттау жоспарлануда, бұл халық үшін тауарлар мен қызметтердің қолжетімділігін арттыруға бағытталған. Жергілікті атқарушы органдар жәрмеңкелер өткізудің күнтізбесін бекітіп, отандық өндірушілерге тегін сауда орындарын ұсынуға міндетті.
Сауда және интеграция министрі Арман Шаққалиев сауда орындарын жаңарту процесін жеделдету және жоспарланған іс-шаралардың орындалуын бақылау қажеттігін атап өтті.
Сондай-ақ, жаңарту бойынша міндеттемелер орындалмаған жағдайда жер учаскелерін қайтару мәселелері қаралатын болатынын жеткізді. Сонымен қатар, бұл мәселе Қазақстан Республикасы Мәжіліс Парламентінің тиісті комитетінің отырысында қаралатынын айтты.
