Бүгін Республика күні жүздеген қазақстандық отбасылар сәбилерінің аман-есен тууына қуанып, қос мерекені атап өтіп жатыр. Бұл туралы ДСМ хабарлады.
«Бүгін таңертең Астананың қалалық перинаталдық орталығында 6 бала дүниеге келді. ҚР ДСМ Ана мен бала денсаулығын сақтау департаментінің директоры Мағрипа Ембергенова Денсаулық сақтау министрінің жаңа туған нәрестелердің аналарына құттықтауын жеткізді. Осы уақытқа дейін елде барлығы 213 сәби, оның ішінде 101 ұл және 112 қыз бала және екі жұп егіз дүниеге келді.
Жаңа туған нәрестелердің саны бойынша Түркістан облысы рекордқа ие болды, онда түнде 37 сәби дүниеге келді. Бала туу бойынша екінші орында – Алматы, мұнда 21 кішкентай азамат дүниеге келді, содан кейін Атырау облысы, онда 19 баланың туған күніне орай мереке атап өтілді», - делінген хабараламада.
Егіздер Алматыда және Маңғыстау облысындағы отбасыларда дүниеге келді.
Айтып өтейік, жұмыс және мереке күндері аналар мен балалардың денсаулығын сақтау саласында бес мыңнан астам акушер-гинеколог және тоғыз мыңнан астам акушер жұмыс істейді.
Бұл қызмет жыл сайын орта есеппен 400 мың жүкті әйелді бақылап, босандырады.
