Қазақстанда 450 мыңнан астам жүк автокөлігі тіркелген. Олар күнделікті жүк тасымалдау барысында жол жамылғысына айтарлықтай әсер етеді. Артық жүктемені болдырмау үшін ауыр салмақты көліктердің салмағын тиімді бақылау қажет. Бұл туралы Ұлттық арна жазды.
Сурет: freepik.com
Осы мақсатта 2025 жылға дейін 220 автоматтандырылған өлшеу стансасын орнату жоспарланып отыр. Стансалар тәулік бойы жұмыс істейді және жүк көлігінің салмағы мен өлшемін үздіксіз бақылайды.
Қазіргі уақытта елімізде осындай 45 станса орнатылған. Оның 25-і «ҚазАвтоЖол» жолдарының бойында, жетеуі Астанада, біреуі Қостанай облысында, 12-сі Үлкен Алматы айналма автожолында орналасқан.
