Мәлік Сайфуллин 1965 жылы 19 қыркүйек күні Батыс Қазақстан облысты, Орал қаласында дүниеге келген. 1987 жылы Жамбыл облысындағы химиялық-механикалық техникалық өнеркәсіптік кәсіпорындардың электр жабдықтары арнаулы оқу орнын «Техник-электрик» мамандығы бойынша аяқтайды. 1984-1986 жылдары аралығында Кеңес әскерінің қатарында қызмет етіп, 1987-1994 жылдары аралығында Ленин комсомолы атындағы «Химпром» Жамбыл өндірістік бірлестігінде 4-ші санатты электр жабдықтарына қызмет көрсететін электромонтер болып жұмыс істейді.
1994-1997 жылдары еңбек жолын туған жері Орал қаласында жалғастырады. Бұл уақыт аралығында Мәлік Шәкірұлы Орал астық өнімдерінің комбайнында 5-дәрежелі электромонтер болып қызмет атқарады. Өзін әртүрлі еңбек саласында байқап көрген Мәлік Сайфуллин 1997-1998 жылдары Орал қаласындағы «Аққайнар» АҚ өрт сөндірушісі болып та еңбек етеді. 1998 жылдың қазан айынан бүгінгі күнге дейін «Жайықжылуқуат» АҚ-да электр бөлімінің 5-ші санатты электр жабдықтарын жөндеу жөніндегі электромонтері болып қызмет етіп келеді.
Сонымен қатар еңбек ардагері «Жайықжылуқуат» АҚ-да ұзақ жылдар қызмет етіп ғана қоймай, кәсіпорын жанындағы кәсіподақ ұйымының тұрақты мүшесі болып табылады. Ол өз сөзінде:
- Біздің саланың мамандары үшін кәсіподақ қамқорлығының орны бөлек. Көптеген еңбек ұжымында кәсіподақ материалдық, әлеуметтік қолдаулар үшін маңыздылыққа ие болатын болса, біз секілді техникалық саланың мамандары үшін кәсіподақтың салмағы «Қауіпсіз еңбек» жағдайын жасау, жұмыс орнындағы жазатайым оқиғалардың алдын алу үшін аса маңызды, - дейді ол.
Еске сала кетейік, бүгінгі таңда «Жайықжылуқуат» АҚ қызметкерлері кәсіподақ ұйымының құрамында 1020 кәсіподақ мүшесі бар. Аталмыш ұжымда тұрақты түрде облыстық кәсіподақ орталығымен бірлескен шаралар ұйымдастырылып отырады. Оның ішінде кәсіподақ мүшелеріне, техникалық инспекторларға арналған қауіпсіз еңбек жағдайлары, құқықтық сауаттылықты арттыру, ұжымдық шарттағы өзгерістер туралы оқулар да қамтылған.
«БҚО Кәсіподақтар орталығы»
