Шымкенттік келіншек екі қызымен бірге Оңтүстік Кореяға барып, үш айда 3 миллион теңге табыс тауып қайтқан. Бұл туралы ол Замана басылымына берген сұхбатында мәлімдеді. Сондай-ақ, ол Кореяда жұмыс істеп жүрген қазақстандықтардың шетелге не үшін кеткенін де жеткізді деп жазады KAZ.NUR.KZ.
"Осыдан үш-төрт жылдай бұрын елдің бәрі Кореяға ағылып, жап-жақсы қаражат тауып келіп, материалдық жағдайларын түзеп жатты. Содан елдің істегенін біз неге істемейміз? Бір жағы табыс тауып, бір жағы ел көріп, жер көріп, қыдырып қайтпаймыз ба деп ойландық. Сол жақта жұмыс істеп жүрген танысымыз бар еді. Сонымен сөйлесіп, ақыры баратын болып шештік. Сеулге Ташкент арқылы ұштық. Әуежайдан түскен соң бізді біраз тексеріп, бір қызымды алып қалған. Қуанышқа қарай, оны турист деп ойлап, қайтадан жіберіпті. Осылайша, екі қызыммен Сеулде тоғыз сағаттық жердегі ауылда қауын тердік", - дейді ол.
Сурет: 365info.kz
