"Қарағанды облысы бойынша ҰҚК департаменті прокуратураның үйлестіруімен Қарағанды қаласында жалға алынған жеке үйде орналастырылған синтетикалық есірткі өндіру бойынша жасырын зертхана әрекетінің жолын кесті", - деп хабарлайды ҚР ҰҚК баспасөз қызметі.
Фото: www.gov.kz
Осылайша, биыл 24 - 25 қаңтарда жедел қызметкерлер Қазақстан аумағында сату мақсатында есірткіні заңсыз дайындауға күдікті екі азаматты ұстады.
Тінту барысында 7,5 мың бір реттік дозаға эквивалентті 1,5 келіден астам психотроптық заттар, сондай-ақ оларды дайындайтын құрылғы мен компоненттері алынды.
Қолда бар мәліметтер бойынша, зертхана жуық арада құрылған, ал ҰҚКД өткізген операция күдікті адамдардың есірткінің ауқымды өндірісіне және сатуға мүмкіндік бермеді.
Қылмыстық кодекстің 297-бабы 3-бөлігі бойынша сотқа дейінгі тергеп-тексеру басталды.
Соттың санкциясымен ұсталған тұлғаларға қатысты қамауда ұстау түріндегі бұлтартпау шарасы тағайындалды.
