63 келіге дейінгі салмақта өнер көрсеткен қазақстандық Эсмигүл Куюлова Ханчжоуда өтіп жатқан Азия ойындарының қола жүлдегері атанды.
Медаль үшін күресте ол өзбек спортшысы Севинч Исокованы жеңді. Бұл туралы туризм және спорт министрлігі хабарлады.
Бұл Қазақстан құрамасының осы Азиададағы дзюдо бойынша үшінші медалі. Кеше 48-ге дейінгі салмақтағы күмісті Абиба Абужақынова жеңіп алды, ал Мағжан Шамшадин 60 келіге дейінгі салмақта қола медаль жеңіп алды.
- Жеңіс оңай берілмейді, бірақ бүгін Эсмигүл жеңіске деген құлшынысын көрсетті. Оның алда үлкен жеңістер күтіп тұрғанына күмәнім жоқ, - деді ҚР Туризм және спорт министрі Ермек Маржықпаев.
