Футзалдан Қазақстан құрамасының Еуропа чемпионаты ширек финалдағы қарсыласы анықталды.
Айта кетсек, құрлықтық додада А және В тобында үшінші тур ойындары өткізілді. Нәтижесінде ширек финалға шыққан құрамалар анықталды.
Қазақстандық футзалшылар В тобында 7 ұпаймен бірінші орын алды.
Топтық кезеңде қазақстандық футзалшылар Словениямен 4:4 есебімен тең түссе, одан кейін Словенияны 6:2, Италияны 4:1 есебімен есебімен тізе бүктірді.
Екінші орын 4 ұпай еншілеген Финляндияға бұйырды.
Ал А тобында бүгін Поргугалия Украинаны 1:0 есебімен жеңсе, Сербия Нидерландыдан 3:2 есебімен басым түсті. Ширек финалға Португалия мен Украина шықты.
Енді 31 қаңтарда ширек финалда Қазақстан мен Украина, Португалия мен Финляндия кездеседі.
Сондай-ақ, 29 қаңтарда С және D топтарында ойын өткізіледі.
Еске салсақ, Қазақстан құрамасы бұған дейін Еуропа чемпионаты финалдық сатысында екі мәрте сынға түсті. 2016 жылы - 3, 2018 жылы 4-орын алды.
Дереккөз: ҚазАқпарат
