Гонконгта COVID-19 тестінің оң нәтижесі бар барлық азаматтар отбасымен байланысу мүмкіндігінсіз оқшауланады, деп хабарлайды COVID-19 таралуына жол бермеу жөніндегі ведомствоаралық комиссиясының Telegram каналы.
Баланы ата-анасымен немесе қамқоршысымен оқшаулауға болады, алайда ауруханалар балалар изоляторлары «шектен тыс жүктелген» және ересектерге арналған орындар жеткіліксіз болуы мүмкін.
Лондон билігі пандемия кезінде жолаушылар санының азаюына байланысты зардап шеккен көлік компанияларына қаржылық қолдау көрсетуде. Ел астанасындағы қоғамдық көлік желісінің жұмысын қамтамасыз ететін Transport for London 267,76 миллион доллар алады.
Индонезия билігі наурыз айының ортасында шетелден келгендер үшін карантинді толығымен алып тастауды жоспарлап отыр. Бұл туралы Теңіз істері және инвестициялар жөніндегі үйлестіруші Министр Лухут Бинсар Панджаитан мәлімдеді.
