Аталған ведомство биылғы оқу жылынан бастап еліміздің бірнеше өңірінде кәсіптік бағдар беру бойынша жұмыстар жүргізді. Қыркүйек айында Жаңаөзен қаласында ата-аналардың республикалық форумы өтті. Онда кәсіптік бағдар беру, ҰБТ тапсыру бойынша ақпарат ұсынылды. Сонымен қатар, Атырау, Қызылорда қаласында, Астана, Қостанай және т.б. өңірлерде де осындай жұмыстар қолға алынды.
Сурет: telegram.org
«Мұндай ақпараттық-түсіндіру жұмыстары тек облыс орталықтарында ғана емес, аудан орталықтарында да жүргізіліп жатыр. Мәселен, Қызылорда облысының әкімдігі білім басқармасымен бірлесе отырып, ҒЖБМ өңірдің алты ауданында, тіпті шалғай жатқан Арал ауданында, Қазалыда, Шиеліде, Қармақшы ауданында мектеп бітірушілермен, түлектермен кәсіптік бағдар беру бойынша жұмыстар жүргізілді», - деді ҚР Ғылым және жоғары білім министрінің кеңесшісі Руслан Емелбаев ОКҚ алаңында өткен баспасөз конференциясында.
