«Әлеуметтік медициналық сақтандыру қоры» КЕАҚ басқарма төрағасының орынбасары Ілияс Тұнғышқанұлы Батыс Қазақстан облысына іссапармен келді. Басқарма төрағасының орынбасары жұмыс сапары шеңберінде Облыстық және Қалалық көпбейінді ауруханада сонымен қатар облыстық кардиологиялық орталықта болды.
Өңірдегі су тасқынының салдарынан тұрғын үйлер мен әлеуметтік нысандардағы адамдарды алдын ала эвакуациялау жұмыстары жүргізілді. Облыстық кардиологиялық орталық бүгінгі таңда қалалық көпбейінді ауруханада уақытша жұмысын жалғастыруда. Осыған орай қызмет барысында келеңсіздіктерді болдырмау шаралары талқыланды.
Сонымен қатар Ілияс Тұнғышқанұлы облыстық денсаулық сақтау басқармасының өкілдерімен жиын өткізді. Елдегі басты әлеуметтік нысан болып саналатын медициналық ұйымдардағы түйіткілді мәселелерге тоқталды.
Әлеуметтік медициналық сақтандыру қоры БҚОФ
