Қандай шырын түрлері адам ағзасына пайдалы? Маман кеңесі

(Кәсіби нутрициолог Мира Панова Tengri Life-қа берген сұхбатында қандай шырын түрлері адам ағзасына пайдалы екенін айтты, - деп хабарлайды Massaget.kz тілшісі.

Күніне қанша мөлшерде ішуге болады?

Маманның сөзінше, шырынды дәрумендердің қосымша көзі ретінде тұтынған жөн, бірақ күніне 150 миллилитрден аспағаны абзал. Ең дұрысы - жаңа сығылған және су қосып сұйылтылған түрлері.

Фото: istockphoto.com

Қандай шырындар пайдалы?

Сарапшының айтуынша, ең пайдалы шырындар - көкөністен жасалғаны, сонымен қатар, кейбір жидектерден жасалғаны да пайдалы. Олардың ішінде маман мыналарды ерекше атап өтті:

• қызылша шырыны: қан қысымын төмендетеді, қан айналымын жақсартады;
• анар шырыны: антиоксиданттарға бай, қабынуды басуға көмектеседі, қан тамырларына пайдалы;
• көкжидек, қарақат, шырғанақ шырындары: иммунитетті нығайтады, көру қабілетін жақсартады, жасушаларды тотығу стресінен қорғайды;
• сәбіз және асқабақ шырындары: А дәрумені мен бета-каротинге бай, олар жақсы сіңеді, асқазан-ішек жолына жағымды әсер етеді.

Маман ең пайдалы шырындарды да сұйылтылған күйде, белгілі бір мөлшерде тұтынған дұрыс екенін және аш қарынға ішпеген жөн екенін айтты.