"Қазақстан халқына" қоры қаңтардағы оқиға кезінде зардап шеккендерге ақшалай төлем берді. Бұл туралы қордың баспасөз қызметі өкілі айтты, - деп хабарлайды Tengrinews.kz тілшісі.
"Қазақстан халқына" қоғамдық қоры Ішкі істер министрлігі, Ұлттық қауіпсіздік комитеті және Қорғаныс министрлігі, Республикалық ұланның әскери қызметшілеріне 3 миллион теңгеден берді", - делінген хабарламада.
Тізімді қорға ведомстволардың өздері берген.
Бұған дейін қор қайтыс болған 19 адамның отбасы мүшелеріне 7 миллион теңгеден және жоғарыда айтылған органдардың 106 ауыр жарақат алған қызметкеріне 3 миллион теңгеден берген болатын.
