Корея Республикасында ұйымдастырылатын IV қысқы Жасөспірімдер олимпиадасы 19 қаңтар мен 1 ақпан аралығында Канвон провинциясының Каннын қаласында өтеді.
Туризм және спорт министрлігінің хабарлауынша, жарыстың ашылу салтанаты 19 қаңтарда Каннын қаласындағы Gangneuung Oval спорт кешенінде өтеді.
Бұл нысанда конькимен жүгіру спортынан жарыстар ұйымдастырылады.
Ал олимпиаданың жабылу салтанаты 1 ақпан күні Каннындағы Gangneung Olympic Park спорт кешенінде өтеді деп жоспарланған.
Канвон-2024 ойындарына 14 пен 17 жас аралығындағы әлемнің 70 елінен 1800 спортшы қатысады. Мұнда 7 спорт түрінің 15 бағдарламасы бойынша 81 медаль жиынтығы сарапқа салынады.
Қазақстан биатлон, тау шаңғы спорты, керлинг, фристайл могул, шайбалы хоккей, шаңғы жарыстары, шаңғымен тұғырдан секіру, конькимен жүгіру спортынан жарысқа түседі.
