ҚР Президенті Әкімшілігінің және аудандық мәслихаттың келісімімен, меритократия қағидасына сәйкес, Қаратөбе ауданының әкімі лауазымына Сүйеуғалиев Қадыржан Орынбасарұлы тағайындалды.
Сүйеуғалиев Қадыржан Орынбасарұлы 1972 жылы Батыс Қазақстан облысы Қаратөбе ауданында дүниеге келген. Білімі - жоғары. Батыс Қазақстан ауылшаруашылығы институтын «агрономия», Еуразия академиясын «экономика» мамандықтары бойынша тәмамдаған.
Әр жылдары Батыс Қазақстан облысы Қаратөбе ауданы әкімі аппаратының ұйымдастыру және кадрлармен жұмыс бөлімінің маманы, І дәрежелі аға маманы, бөлімінің меңгерушісі; Батыс Қазақстан облысы Қаратөбе ауданы әкімі аппаратының қаржы-шаруашылық бөлімінің бас маман-бөлім меңгерушісі; Батыс Қазақстан облысы Қаратөбе ауданы Қаратөбе ауылдық округінің әкімі; Батыс Қазақстан облысы Қаратөбе ауданы Шөптікөл ауылдық округінің әкімі; Батыс Қазақстан облысы Қаратөбе ауданы әкімі аппаратының басшысы болып жұмыс жасады.
2016 жылдан Қаратөбе ауданы мәслихатының хатшысы қызметін атқарды.
zhaikpress.kz
