Батыс Қазақстан облысы Қаратөбе ауданы Қоржын ауылында қардың қарқынды еруі және жауын-шашынның салдарынан Жақсыбай өзенінің сағасы көтеріліп, 30 үй су астында қалды.
Бұл туралы БҚО ТЖД-ның баспасөз қызметі хабарлады.
Шамамен 300-400-ге жуық адам Қоржын ауылының мектебіне көшірілді. Автокөлік қозғалысы тоқтатылған.
Жеде штаб су тасқынына мониторинг, сондай-ақ авариялық-құтқару жұмысын жүргізу мақсатында Орал қаласының «ӨС және АҚЖҚ» РММ күштері мен құралын Қаратөбе ауданының Аққозы және Шалғын ауылдарына жіберу туралы шешім қабылдаған.
Құтқару жұмысына жеке құрамнан 24 адам тартылған. Бес бірлік техника және төрт мотопомпа жұмыс істеп тұр.
Топтың жетекшісі болып өрт сөндіру және авариялық-құтқару жұмысын ұйымдастыру бөлімінің бастығы, азаматтық қорғау майоры Рустам Кубашев тағайындалды.
zhaikpress.kz
