Орал «Сервис» технологиялық колледжі №13 кітапхана-филиалымен бірлесіп, Қасым Аманжоловтың 110 жылдығына арналған кеш ұйымдастырды.
Кешке қатысушылар ақынның өмірі, шығармашылығы туралы ақпаратқа қанықты. Ұлы Отан соғысына қатысқан Қасымның көркемдік-эстетикалық деңгейі жоғары, ғажайып шығармаларды дүниеге әкелген от ауызды, орақ тілді ақын екені де айтылды. Іс-шарада К.Әділова, Д.Жолдасқали, Г.Мақсот, Н.Елеу, А.Шляпин, Н.Азамат, Ғ.Рысқалиев, Ж.Жаппасбаева сынды студенттер ақынның өлеңдерін жатқа оқыды. «Қасым жыры – рух байрағы» кітап көрмесіне библиографиялық шолу жасақталды.
Айнұр Ілиясова,
Орал «Сервис» технологиялық колледжінің кітапхана меңгерушісі
