Бұл туралы ҚазАқпарат жазды.
Кездесу елорда уақытымен 18 желтоқсанда сағат 21:00-де басталады.
Кездесу ел астанасы Лусаил қаласындағы 88966 жанкүйерге арналған «Лусаил Айконик» стадионында өтеді.
Бас төреші – польшалық Шимон Марциняк. Оған отандастары Павел Сокольницки мен Томаш Листкевич көмекші болады. Қосалқы төреші - АҚШ-тан келген Исмаил Эльфат.
FIFA рейтингінде Аргентина 3, Франция 4-орында тұр.
Тікелей эфир «Qazaqstan» және «Qazsport» телеарналарынан көрсетіледі.
Екі құрама бұған дейін он үш мәрте кездесті. Оның 7-де Аргентина, 3-де Франция жеңіске жетсе, қалғанында тең нәтиже тіркелді.
Дереккөз: ҚазАқпарат
