Ел Тәуелсіздігінің 30 жылдық мерейтойына орай өңір ұстаздары арасында «Тәуелсіздік - тұғырым» облыстық эссе байқауы, зейнет жастағы ардагерлер арасында шахмат, тоғызқұмалақ, дойбы, волейбол ойындарынан облыстық жарыстар өткізілмек.
Сонымен қатар мерейлі мерекеге байланысты қазақтың біртуар палуаны Қажымұқан Мұнайтпасовтың 150 жылдығына орай Сырым ауданында қазақ күресінен облыстық турнир өтіп, Халықаралық жастар күніне орай облыс орталығында отандық фильмнен авто кино көрсетілім ұйымдастырылатын болады. Бұл туралы Өңірлік коммуникациялар қызметі алаңында өткен брифингте облыстық ішкі саясат басқармасының басшысы Дархан Қадралиев мәлімдеді.
zhaikpress.kz
