Оның айтуынша, дайындық жұмыстары «Болашақ» бағдарламасы іске қосылған сәттен басталған. Ал қазір Қазақстанда шетелден өте жақсы білім алып келген мамандардың саны өте көп.
-Бізде университеттер бар, мысалы, Серікбаев атындағы Шығыс Қазақстан университеті, әл-Фараби атындағы Қазақ ұлттық университеті. Олардың MИФИ-мен бірлесіп жұмыс істегеніне біраз болды. Өз бетінше оқуға түсіп, Ресейдің жоғары оқу орындарына, соның ішінде осы салада білім алып жатқан азаматтарымыз да аз емес. Сондықтан атом өнеркәсібі мамандарын АҚШ, Еуропа елдері, Ресей және т.б. елдерде әзірлеу мәселесі қарастырылып жатыр, - деді ҚР БҒМ Асхат Аймағамбетов.
Наурыздың 25-і күні Энергетика министрі Болат Ақшолақов ведомство Қазақстанда атом электр стансасын салуға ниетті екенін мәлімдеді.
Атом электр станциясын салудың екі нұсқасы қарастырылуда – бұл Шығыс Қазақстан облысындағы Курчатов және Оңтүстік Қазақстан.
