2025 жылы еліміздегі жалпы егіс көлемі 322,8 мың га-ға артып, 23,6 млн га-ға жетті (2024 жылы – 23,3 млн га). Соның ішінде дәнді және дәнді-бұршақты дақылдар алқабы 630 мың га-ға азайып, 16 млн га-ны құрады, ал бидай егістігі 884,6 мың га-ға қысқарып, 12,3 млн га болды.
Босатылған жерлер анағұрлым табысты дақылдарға берілді. Күнбағыс рекордтық 1,8 млн га аумақта егілді – бұл өткен жылмен салыстырғанда 481,5 мың га артық. Картоп егістігі де өсім көрсетіп отыр: көлемі 9,3 мың га-ға артып, 131,2 мың га-ға жетті. Оның ішінде ұйымдасқан шаруашылықтардағы өсім 12,5 мың га құрап, 84,5 мың га-ға жетті.
Сонымен қатар суармалы дақылдар алқабы азайтылуда. 2025 жылы мақта 144,5 мың га жерге егілді, оның ішінде 50 мың га тамшылатып суарумен қамтылған. Қызылорда облысында күріш алқабы 85,6 мың га-дан 80,9 мың га-ға дейін қысқарды.
Егісті әртараптандыру ішкі азық-түлік балансын нығайтуға, жекелеген дақылдарға тәуелділікті азайтуға, агроөнеркәсіптік кешеннің тұрақтылығын және фермерлердің табысын арттыруға мүмкіндік береді. Ал жер ресурстарын неғұрлым ұтымды пайдалану елдің азық-түлік қауіпсіздігінің негізіне айналуға тиіс.
