Қазақстан құрамасы кикбоксингтен әлем чемпионатында 22 медаль жеңіп алды.
Португалияның Албуфейра қаласында кикбоксингтен ересектер арасындағы әлем чемпионаты аяқталды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Қазақстан құрамасы жалпы есепте 5 алтын, 5 күміс және 12 қола медаль жеңіп алды. Олар фулл-контакт, лоу-кик және К1, кик-лайт секілді төрт бөлім бойынша сынға түсті. Бәсекеде әлемнің 70 елінен 573 спортшы қатысты.
