Қазақстан Мәскеуде Ұжымдық қауіпсіздік шарты ұйымында (ҰҚШҰ) тұрақты өкілдігін ашуды жоспарлап отыр. ҚР Президентінің тиісті жарлығының жобасы "Ашық НҚА" сайтында жарияланған, - деп хабарлайды Tengrinews.kz тілшісі.
"Мәскеуде (Ресей Федерациясы) Қазақстан Республикасының Ұжымдық қауіпсіздік шарты ұйымы жанындағы Тұрақты өкілдігі ашылсын", - делінген құжатта
Қаулы жобасының түсіндірме жазбасында Ұжымдық қауіпсіздік туралы шарт ұйымы жанындағы Тұрақты кеңестегі Қазақстан Республикасының уәкілетті өкілі мәртебесін ҰҚШҰ-ның нормативтік құқықтық базасына және ҚР дипломатиялық қызмет саласындағы заңнамасына сәйкес келтіру мақсатында әзірленгені айтылған.
"Қазақстан Республикасының Ұжымдық қауіпсіздік шарты ұйымы жанындағы тұрақты өкілдігін ашу туралы" Президент жарлығының жобасы 2022 жылдың 15 ақпанына дейін қоғамдық талқылауда болады.
