Алдағы күндері Қазақстанда күн құбылмалы болып, температура айтарлықтай төмендейді, деп хабарлайды Ulysmedia.kz.
«Қазгидромет» РМК синоптиктерінің мәліметінше, еліміздің басым бөлігінде атмосфералық фронттардың өтуіне байланысты жаңбыр мен қар түріндегі жауын-шашын түседі. Солтүстік, шығыс және орталық өңірлерде жаяу бұрқасын соғады. Республиканың барлық аумағында тұман мен көктайғақ болуы мүмкін.
Болжамды кезеңнің соңында Батыс Қазақстанға Жаңа Жер аралдары маңынан арктикалық антициклон жылжиды. Оның ел аумағы арқылы өтуіне байланысты ауа температурасы айтарлықтай төмендейді.
8 желтоқсанда республиканың солтүстік-батысында 5-13 градус аяз, солтүстігінде 10-15 градус аяз болады. Одан кейін күн суи береді.
