Зерттеу нәтижелері бойынша қазақстандық жастардың 80%-ы отбасын басты құндылық деп санайды. Бұл туралы Мәдениет және ақпарат министрлігінің баспасөз қызметі жазды.
Сурет: Insta / @jaiyqjastary_oral парақшасынан алынды
«Жастар» ғылыми-зерттеу орталығы Мәдениет және ақпарат министрлігіне «Қазақстан жастары» әлеуметтік зерттеуінің нәтижелерін таныстырды. Кездесуге «AMANAT» партиясы мен Астана әкімдігінің өкілдері де қатысты.
Сарапшылар жастар ортасындағы басты құндылықтар мен мүдделерді атап өтті. Зерттеуге 14 пен 34 жас аралығындағы 2000 респондент қатысты.
Сауалнама нәтижелері бойынша көпшілігі (80,1%) отбасын негізгі өмірлік құндылық деп санайды. Осындай нәтижелердің қорытындысы төрт жыл қатарынан көрінуде.
Үйде күнделікті өмірде жастар қазақ тілінде жиі сөйлейді (72,9%).
Қатысушылар сондай-ақ жас ұрпақтың өмір сүру сапасы мен болашағын жақсартуға бағытталған тәжірибелерімен және әзірлемелерімен бөлісті. Мұндай зерттеулер жастар саясатының тиімді стратегиясын құру үшін қажет.
