Президенттің БҰҰ миссияларына қатысу үшін Қарулы күштердің бітімгерлік контингентін жіберу туралы ұсынысы Парламент Палаталарының бірлескен отырысында қаралды.
Фото: gov.kz
«Конституцияның 53-бабының 5-тармақшасы бойынша, БҰҰ-ның мынадай миссиясына: Голан биіктігінде бөлінуді бақылау күштеріне, бітімге келу шарттарының орындалуын байқау органына, Оңтүстік Судан Республикасындағы миссияға, Абьейдегі қауіпсіздікті қамтамасыз ету уақытша күштеріне қатысу үшін саны 430 адамнан аспайтын контингентті жіберу туралы ұсыныс енгізіледі», - деді Қорғаныс министрі Руслан Жақсылықов.
