Газеттің 30 сәуір күнгі санында «Білім саласындағы өзгерістер мұғалімдерге оң серпін берді ме?» деген сауал жолдап, біраз педагогтің пікірін білдік. Көпшілігі білім саласындағы соңғы өзгерістер мұғалімдердің жоғары ынтамен жұмыс жасауына ықпал етіп жатқанын айтқан еді. Дегенмен таяқтың екі ұшы болатыны белгілі. Білім саласындағы елеулі өзгерістердің бірі – жаңартылған білім мазмұны бағдарламасы барлық мұғалімнің оң жамбасына келе бермейтіні ақиқат. Мамандардың айтуынша, аталмыш бағдарламаның әлі де жетілдіретін тұстары жетерлік. Мәселен, бұл бағдарламада сауаттылыққа мән берілмейтіні күнделікті білім үрдісінде жиі байқалып жүр. Осы мақсатта «Соңғы кезде шәкірттердің басым бөлігі неге сауатсыз жазады? Оқушылардың әдемі, көркем жазуына неге мән берілмейді? Қазіргі жас жеткіншектер еңбекке неге құлықсыз?» деген сауалдар қойып, бірнеше мұғалімді әңгімеге тарттық.
Толығырақ облыстық «Орал өңірі» газетінің 2021 жылғы 21 мамырдағы №41 санындағы белгілі ақын, газеттің қоғамдық редакторы Дариға Мұштанова жүргізетін «Үзіліс» бетіндегі «Көркем жазу» – сауаттылық бастауы» атты материалға көз жүгіртіңіз, оқырман!
zhaikpress
