Сіздерді ерлік пен қайсарлықтың нышаны алдағы Ұлы Жеңіс күні мерекесімен шын жүректен құттықтаймын!
9 мамыр – майдангерлер мен тылда қажырлы еңбек еткендердің жанқияр ерлігі мен еңселі елдік рухының, қайсарлығының жемісі. Ұлы Жеңіс бүгінгі егеменді және тәуелсіз бейбіт өмірге, өскелең ұрпақтың дін-аман өсіп өнуіне жол ашып берді.
Ұлы Отан соғысының қайнаған майданында шайқасып, елдік пен ерліктің туын жықпай, ұрпақтың болашағы үшін жанын қиған алып жүректі азаматтарымызға қашан да борыштармыз. Ерліктеріне тәнтіміз. Әрбір майдангердің қосқан үлесін ескеріп, құрметтеу – бүгінгі ұрпақтың ардақты борышы. Ардагерлеріміздің майданда көрсеткен әскери және тылдағы еңбегі мен ерліктері – жас ұрпаққа үлгі-өнеге, тарих. Олардың ерен еңбектері ешқашан ұмытылмақ емес.
Айтар алғысымыз, жеткізер лебізіміз шексіз.
Егеменді еліміздің еңсесінің биік, керегесінің кең болуына ықпал еткен Ұлы Жеңіс күнінің маңызы мен мәні, ардагерлеріміздің ерлігі әрбіріміздің қашан да жадымызда сақталады.
Бұл ерекше мейрамда баршаңызға зор денсаулық, отбасыларыңызға құт-береке, бақыт тілеймін!
Еліміздің тұғыры биік болып, абыройы асқақтай берсін!
Құрметпен, Сырым ауданының әкімі
Төлеген Төреғалиев
Биылғы 9 мамыр – Жеңіс күнінің қарсаңында «Орал өңірі» және «Приуралье» газеттерінен арамыздағы жеңімпаздардың өмір дерегін, қан майдандағы жанқиярлық ерлігі мен бейбіт күнгі жасампаз еңбегі жайлы оқи жүріңіздер. Газеттерімізге ардагерлер жайлы мақалалар мен құттықтаулар берулеріңізге болады.
zhaikpress
