Сіздерді алдағы Ұлы Отан соғысындағы Жеңіс күнімен шын жүректен құттықтаймыз! Сол кездегі Кеңес заманының ер жүрек жауынгерлері Отанымызды жаудан азат етіп, келер ұрпаққа бейбіт заман сыйлағанына да 76 жыл толды.
Адамзат өмірінен ойып тұрып орын алған сұм соғыстың ұмытылмас күндері жыл өткен сайын тарих қойнауына еніп бара жатыр. Келешекте мұндай қан майданды болдырмау үшін бүгінде қолымыздан келгенді жасауымыз керек. Сонау сұм соғыстың аяқталғанына қаншама жылдар өтсе де, майдан даласында қаза тапқан боздақтарды, Жеңіс күнін жақындатуға үлес қосқан ардагерлеріміздің ерлігін, тылда өлшеусіз жұмыс жасаған аға-апаларымыздың еңбегін естен шығармай, келер ұрпаққа дәріптеп, жеткізуіміз қажет.
Құрметті ардагерлер, сіздер кейінгі ұрпаққа бүгінгідей тыныш заман, бейбіт өмір сыйладыңыздар. Сол үшін де сіздерге басымызды иіп, алғысымызды айтамыз. Ең бастысы, дендеріңіз сау болып, ұрпағыңыздың қызығын көруді тілейміз!
Алхат Абзалилов,
«Батыс Қазақстан электр желілерін
таратушы компаниясы» АҚ басқармасының төраға-директоры
Биылғы 9 мамыр – Жеңіс күнінің қарсаңында «Орал өңірі» және «Приуралье» газеттерінен арамыздағы жеңімпаздардың өмір дерегін, қан майдандағы жанқиярлық ерлігі мен бейбіт күнгі жасампаз еңбегі жайлы оқи жүріңіздер. Газеттерімізге ардагерлер жайлы мақалалар мен құттықтаулар берулеріңізге болады.
zhaikpress
