Жетісу облысы, Қаратал ауданында болған көлік апатынан 3 адам көз жұмды. Оқиға қараша айының 11 күні түнде болған.
Үш адамның өмірін жалмаған жол көлік оқиғасы Қаратал ауданына қарасты Ескелді ауылының маңында түнгі сағат 22:30 дар шамасында тіркелген. Талдықорған-Үштөбе бағытында келе жатқан Audi жеңіл көлігі, сол бағыттағы Howo жүк көлігіне соғылған. Салдарынан 1973 жылы туған көлік жүргізушісі мен 1975 жылы, 1982 жылы туған ерлі-зайыпты жолаушылар оқиға орнында қайтыс болды. Олардың артында 3 баласы қалды.
Еске салайық бұған дейін Талдықорған қаласында 20 жастағы жігітті жүк көлігі басып кеткенін және Жетісу облысында жүк көліктері соқтығысып, 16 көліктің жанып кеткенін жазғанбыз.
inform.kz
