Білім берудегі ақпараттық технологиялар жөніндегі ЮНЕСКО институты мен мәдениет және ақпарат министрлігі медиасауаттылық бойынша онлайн сессияларға шақырады.
Бұл туралы мәдениет және ақпарат министрлігі хабарлады.
Фото: pixabay
Қазан мен қарашада Білім берудегі ақпараттық технологиялар жөніндегі ЮНЕСКО институты Қазақстан Республикасы Мәдениет және ақпарат министрлігінің бастамасымен медиа және ақпараттық сауаттылықтың түрлі аспектілері бойынша жастарға арналған тренингтер сериясын өткізеді.
5 қазан, сағат 17:00-де (Астана уақыты бойынша) медиа және ақпараттық сауаттылық бойынша бірінші сессия өтеді.
Курс Дүниежүзілік медиа және ақпараттық сауаттылық апталығының іс-шаралары шеңберінде өткізіледі және «Құқық» ҚҚ, «QOLDAU» білім беру ұйымдарының Қамқоршылық кеңесі» ҚБ, «New vision team» ҚҚ, «Жастар салауатты өмір салты үшін» ҚБ қатысуымен жүзеге асырылады.
Сыни ойлау дағдыларын, киберқауіпсіздік негіздерін, ақпаратпен, медиа және жаңа технологияны меңгеруге мүдделі жастарды курсқа шақырамыз.
Сессиялар онлайн ZOOM платформасында өтеді.
Сілтеме: https://us06web.zoom.us/j/87647959397?pwd=obyvhObAgYz9MTT3BdIjGAuTu9ULis.1 (Конференция идентификаторы: 876 4795 9397, кіру коды: 188261).
Курсқа қатысқыңыз келсе сілтемеге басып тіркеуден өтесіз.
