Дәулет Тасжанов 2015 жылдан бері №5 өрт сөндіру бөлімінде қызмет етеді. Бүгінде бөлімше командирі ретінде әр шақыртуда уақытпен емес, адам өмірімен жарысады. Бұл – жай жұмыс емес, бұл – қоғам алдындағы жауапкершілік пен ерлікке толы мамандық.
Дәулет Қазбекұлы Теректі ауданы Талпын ауылында дүниеге келген.
Ол қызмет етіп жүрген №5 өрт сөндіру бекетінің тарихы ерекше. Бұл Қазақ жерінде ең алғашқы ашылған өрт сөндіру бөлімі. Бөлімше - 1865 жылы құрылған.
- Мен үшін батырлық – күнделікті жұмыс, - дейді «Мамандар галереясының» кезекті кейіпкері.
Фотоға түсірген: Мейірбек Тажқұранов,
zhaikpress.kz
